Azərbaycan məhsulları Məkkədə nümayiş olunub - FOTO

Səudiyyə Ərəbistanı Krallığının Məkkə şəhərində beynəlxalq sərgi keçirilib.

Kiçik və Orta Biznesin İnkişafı Agentliyindən (KOBİA) verilən məlumata görə, Məkkə Ticarət Palatasının təşkilatçılığı ilə keçirilən sərgidə 20-dən çox ölkənin, o cümlədən Azərbaycan sahibkarlarının məhsulları nümayiş olunub.

Beşgünlük sərgidə Azərbaycanı təmsil edən 8 sahibkar tərəfindən zəfəran və bal məhsulları, qurudulmuş meyvə, mürəbbə, kompot, çay, müxtəlif souslar, lavanda, kəlağayı və s. məhsulları təqdim edilib.