Azərbaycan və ABŞ nadir torpaq metalları ilə bağlı çərçivə sənədi imzalayıb

Fins.az - Azərbaycan və ABŞ kritik mineralların və nadir torpaq elementlərinin hasilatı və emalı sahəsində təchizatın təmin olunmasına dair çərçivə sənədi imzalayıblar.

Sənəd Azərbaycan tərəfindən iqtisadiyyat naziri Mikayıl Cabbarov, ABŞ tərəfindən isə iqtisadiyyat, enerji və biznes məsələləri üzrə dövlət katibinin köməkçisi Kaleb Orr tərəfindən imzalanıb.

Razılaşma Bakı Enerji Həftəsi çərçivəsində əldə olunub.

Sənəd kritik mineralların və nadir torpaq elementlərinin hasilatı, emalı və təchizat zəncirinin inkişafı sahəsində əməkdaşlığın genişləndirilməsini nəzərdə tutur.