ARDNF portfelində "AA" və "A" kateqoriyalı aktivlərin çəkisi artıb

2026-cı il aprelin 1-nə Azərbaycan Dövlət Neft Fondunun (ARDNF) investisiya etdiyi istiqrazlar və digər pul bazarı alətlərinin reytinq strukturunda dəyişikliklər qeydə alınıb.

Fins.az ARDNF-yə istinadən xəbər verir ki, portfeldə “AA” reytinqli aktivlərin xüsusi çəkisi 37,9%-ə yüksəlib. Bu göstərici ötən ilin eyni dövrü ilə müqayisədə 14,5 faiz bəndi artım deməkdir.

“AAA” aktivlərin payı azalıb

Hesabat dövründə ən yüksək etibarlılıq kateqoriyası olan “AAA” reytinqli alətlərin payı 46,5%-dən 23,4%-ə enib.

Eyni zamanda “A” reytinqli aktivlərin xüsusi çəkisi 17,3%-dən 25,9%-ə yüksəlib. Qeyri-investisiya dərəcəli alətlərin payı isə 0,4%-dən 0,8%-ə artıb.

“BBB” reytinqli alətlərdə isə cüzi azalma qeydə alınıb – 12,4%-dən 12,2%-ə düşüb.

Müddət strukturu

Portfelin müddət bölgüsünə əsasən:

• 0–1 il: 15,7%

• 1–3 il: 30,9%

• 3–5 il: 28,7%

• 5 ildən çox: 24,7%

Bu göstəricilər ötən ilin eyni dövrü ilə müqayisədə qısamüddətli və orta-müddətli yerləşdirmələrin artdığını, uzunmüddətli aktivlərin isə nisbətən azaldığını göstərir.

Beləliklə, ARDNF-nin investisiya portfelində həm kredit reytinqi, həm də müddət strukturu üzrə daha balanslaşdırılmış dəyişikliklər müşahidə olunur.