Almaniyada Avqustda Sənaye Sifarişləri Gözlənilmədən 0,8% Azaldı

Finss.az xəbər verir ki, Almaniyada 2025-ci ilin avqust ayında sənaye müəssisələrinin sifarişlərinin həcmi əvvəlki aya nisbətən 0,8% azalıb. Bu barədə ölkənin Federal Statistika Agentliyi (Destatis) məlumat yayıb.

Ekspertlər və iqtisadi tədqiqatçılar sifarişlərin 1,4% artacağı proqnozunu versələr də, göstərici əks istiqamətdə dəyişərək mənfi dinamika nümayiş etdirib. Bu isə Almaniyanın sənaye sektorunda gözlənilən bərpa prosesinin ləng getdiyini göstərir.

Destatis-in yenidən nəzərdən keçirilmiş məlumatlarına əsasən, iyul ayında sənaye sifarişlərində azalma 2,7% təşkil edib (əvvəlki hesabatda bu rəqəm 2,9% olaraq qeyd olunmuşdu).

Ən böyük azalma avtomobil sənayesində qeydə alınıb – 6,4%. Bu sektoru əczaçılıq sənayesi izləyib – burada sifarişlər 13,5% azalıb. Eyni zamanda, kompüter avadanlığı, elektronika və optik məhsullar kateqoriyasında da ciddi azalma olub – 11,5%.

Qeyd edək ki, sənaye sifarişləri Almaniya iqtisadiyyatının əsas indikatorlarından biridir. Göstəricidə davamlı eniş ölkədə sənaye istehsalında tənəzzül, iqtisadi aktivlikdə zəifləmə və eksport tələbatında durğunluq kimi problemlərə işarə edə bilər.