Almaniya Rusiya neftinin idxalını bərpa etməyə çağırır
Fins.az -Almaniyanın BSW partiyasının (əvvəlki adı “Sara Vagenknecht İttifaqı – Ağıl və Ədalət”) təsisçisi Sara Vagenknecht ABŞ-ın Rusiya neftinin satış əməliyyatlarına qarşı sanksiyaları ləğv etməsindən sonra Almaniya hökumətini Rusiya neftinin idxalını bərpa etməyə çağırıb.
“Əgər ABŞ, daxili hasilat səbəbindən idxala daha az asılı olan ölkə olaraq Rusiya neftini alırsa, Almaniya da indi bunu etməlidir”, – Vagenknecht Funkə media qrupuna verdiyi müsahibədə bildirib.
O əlavə edib: “[Kansler Fridrix] Merz bu qərarı tənqid edir, halbuki vətəndaşlar yanacaqdoldurma məntəqələrində ümidsizliyə qapılır. Bu, milyonerlərin soyuq və mənasız təkəbbürüdür, onlar belə problemlərlə üzləşmir”.
Vagenknecht təklif edib ki, Almaniya yenidən Rusiya neftini Şvedt neft emalı zavodları vasitəsilə əldə etsin və yanacağın qiymətinə €1,50 limit qoyulsun. O, Almaniya hökumətinin Yaxın Şərqdəki böhrana cavab olaraq benzin və yanacaq qiymətlərinin endirilməsi üçün qəbul etdiyi tədbirləri yetərsiz hesab edib.
