Neft qiymətləri sabit qaldı

Dünya bazarında neft qiymətləri Asiya ticarəti zamanı əsasən sabit qalıb.

Buna səbəb ABŞ prezidenti Donald Tramp-ın İranla mümkün atəşkəslə bağlı nikbinliyi azaltması olub.

Fins.az xəbər verir ki, Brent markalı neftin fyuçersləri 0,3% artaraq bir barel üçün 104,52 dollara, WTI markalı neft isə 98,33 dollara yüksəlib.

Tramp İranın ABŞ tərəfindən dəstəklənən sülh təklifinə cavabını “tamamilə qəbuledilməz” adlandırıb və atəşkəsin hazırda “ən zəif vəziyyətdə” olduğunu bildirib. Bu açıqlamalar bazarlarda Yaxın Şərqdə münaqişənin uzanacağı ilə bağlı narahatlığı artırıb.

İran isə öz tələblərinin qanuni olduğunu bildirərək ABŞ dəniz blokadasının aradan qaldırılmasını, neft ixracının bərpasını və sanksiyaların ləğvini tələb edib.

Bazar iştirakçıları xüsusilə Hörmüz boğazı ilə bağlı riskləri diqqətdə saxlayırlar. Çünki dünya neft tədarükünün təxminən beşdə biri bu marşrutdan keçir.

Bundan əlavə, investorlar həftənin sonunda Trampın Xi Jinping ilə Pekində keçirəcəyi görüşü də izləyirlər. Görüşdə İran münaqişəsi, enerji təhlükəsizliyi və ticarət məsələlərinin müzakirə olunacağı gözlənilir.