Neft BAHALAŞIB

Neft qiymətləri, ABŞ-a yaxınlaşan Delta qasırğası və Norveç sahələrində davam edən tətil xəbərləri ilə əlaqədar Cümə axşamı günü aparılan  ticarət əməliyyatlarında davamlı olaraq yüksəlir.

Fins.az xəbər verir ki, London birjasında ICE Futures birjasında Brent markalı neftin dekabr fyuçerslərinin dəyəri cümə axşamı günü 15: 16-a qədər bir barel üçün 42,77 dollar təşkil edir ki, bu da əvvəlki sessiyanın sonundakı qiymətdən 0,78 dollar (1,86%) yüksəkdir.

New York Ticarət Birjasında (NYMEX) elektron ticarətdə Noyabr ayı üçün WTI xam neftinin fyuçerslərinin qiyməti bu dəfə 0,66 dollar (1,65%) artaraq barel üçün 40,61 dollara çatıb.

ABŞ Daxili İşlər Nazirliyinin Təhlükəsizlik və Ətraf Mühit Məsələləri Bürosuna görə, Meksika Körfəzindəki neft hasilatının 80%-dən bir qədər çoxu dayandırılıb. Delta qasırğasının cümə günü Luiziana sahillərini vurması gözlənilir.

Müəllif:Aynur Qəniyeva