Dünya bazarında neft bahalaşıb

Fins.az – İyulun 8-də dünya bazarında əsas neft markalarının qiymətində əvvəlki ticarət günü ilə müqayisədə artım qeydə alınıb.

Müqayisəyə əsasən, Brent markalı neftin bir barrelinin qiyməti 69,88 ABŞ dollarından 71,87 ABŞ dollarına yüksəlib. Bu, 1,99 ABŞ dolları və ya 2,85% artım deməkdir.

Azərbaycanın Azeri Light markalı neftinin qiyməti 73,71 ABŞ dollarından 75,66 ABŞ dollarına qalxıb. Beləliklə, bu marka üzrə qiymət 1,95 ABŞ dolları və ya 2,65% bahalaşıb.

Hesabat dövründə BTC FOB markalı neftin bir barreli 71,15 ABŞ dollarından 72,94 ABŞ dollarına yüksəlib. Bu, 1,79 ABŞ dolları və ya 2,52% artım deməkdir.

Urals markalı neft də bahalaşıb. Bu markanın bir barrelinin qiyməti 40,95 ABŞ dollarından 42,93 ABŞ dollarına yüksələrək 1,98 ABŞ dolları və ya 4,84% artıb.