Dövlət istiqrazlarından büdcəyə 659 milyon manat daxil olub
2019-cu il ərzindədaxili maliyyə bazarında yerləşdirilmiş dövlət istiqrazları üzrə dövlət büdcəsinə 659 milyon manat vəsait daxil olmuşdur.
Fins.az xəbər verir ki, bu barədə Azərbaycan Respublikasının 2019-cu il dövlət büdcəsinin icrası barədə hesabatda bildirilir.
Hesabatda qeyd edilib ki, dövlət istiqrazları əsasən yerli kommersiya bankları, sığorta şirkətləri və bir sıra hüquqi şəxslər tərəfindən alınmışdır.
2019-cu il və ondan əvvəlki illər ərzində yerləşdirilmiş dövlət istiqrazları üzrə 541,9 milyon manat məbləğində vəsait, o cümlədən 450,5 milyon manat əsas borc və 91,4 milyon manat faiz borcu hesabat ili ərzində investorlara geri ödənilmişdir.
2019-cu il 31 dekabr tarixinə dövriyyədə olan dövlət istiqrazlarının ümumi həcmi 1 milyard 255,5 milyon manat təşkil edərək, 285 milyon manatı qısamüddətli (dövriyyəmüddəti 1 ilədək), 970,5 milyon manatı ortamüddətli (dövriyyə müddəti 1 ildən 3 ilədək) dövlət istiqrazlarının payına düşür.
