Brent neftinin qiyməti 104 dolları ötüb

Fins.az - Çərşənbə günü dünya bazarlarında etalon neft markalarının qiymətləri fərqli istiqamətdə dəyişib. Sessiyanın əvvəlində hər iki marka ucuzlaşsa da, sonradan Brent markalı neft bahalaşıb.

Moskva vaxtı ilə saat 14:44-ə olan məlumata görə, may fyuçersləri üzrə Brent nefti Londonun ICE Futures birjasında 0,59 dollar (0,57%) artaraq bir barel üçün 104,01 dollara çatıb.

Eyni zamanda, aprel fyuçersləri üzrə WTI nefti Nyu-Yorkun NYMEX birjasında 1,38 dollar (1,43%) ucuzlaşaraq 94,83 dollar olub.

Qiymət artımına İran mediasında Fars körfəzində yerləşən “Cənubi Pars” qaz yatağına hücum edilməsi ilə bağlı yayılan məlumatlar dəstək verib. Hücumun detalları açıqlanmayıb.