Azərbaycan Respublikası İpoteka və Kredit Zəmanət Fondu ASC–nin ipoteka istiqrazlarının yerləşdirilməsi üzrə hərrac keçirilib

Aprelin 3-də Bakı Fond Birjasında Azərbaycan Respublikası İpoteka və Kredit Zəmanət Fondu ASC–nin AZ2071008687 ISIN-li, 30,000,000 manat həcmində, tədavül müddətli 7200 gün olan istiqrazlarının yerləşdirilməsi üzrə hərrac yekunlaşıb.

BFB-dən Fins.az-a verilən məlumata görə,hərrac zamanı 1 investor tərəfindən 1000 manat (3,25%) qiymətindən 1 sifariş təqdim edilib. Hərrac qiyməti 1000 manat olan sifarişlərin nominal qiymətlə ümumi məbləği 30,000,000 manat olub. İstiqrazların nominal qiymətlə yerləşdirilmiş həcmi 30,000,000 manat təşkil edib.

İstiqrazların  ödəmə tarixi 19 dekabr 2042-ci ildir.