Avropa valyuta bazarında əsas dəyişikliklər: Avro funt qarşısında yüksəldi
Finss.az - Avropa valyuta bazarlarında 15–19 sentyabr 2025-ci il tarixlərini əhatə edən həftədə mühüm dəyişikliklər müşahidə olunub. ABŞ Federal Ehtiyat Sisteminin (FRS) faiz dərəcələrini 0,25 faiz bəndi endirməsi və Böyük Britaniya hökumətinin borc artımı qərarı əsas rol oynayıb.
Avro/ABŞ dolları (EUR/USD)
Həftə ərzində avronun ABŞ dollarına qarşı dəyəri 0,11% azalıb. 17 sentyabrda 1 avro 1,1872 USD, həftənin son günü, 19 sentyabrda isə 1,1775 USD səviyyəsində ticarət olunub.
Funt sterlinq/ABŞ dolları (GBP/USD)
Funt sterlinq ABŞ dollarına qarşı daha kəskin dəyər itirib. Həftə ərzində 1,01% azalma qeydə alınıb. 17 sentyabrda 1 funt 1,3692 USD, 19 sentyabrda isə 1,3553 USD səviyyəsinə düşüb.
Avro/Funt sterlinq (EUR/GBP)
Avro funt sterlinq qarşısında 0,65% bahalaşıb. 15 sentyabrda 1 avro 0,86385 GBP, 19 sentyabrda isə 0,8715 GBP səviyyəsinə yüksəlib.
Valyuta bazarlarında baş verən dəyişikliklər əsasən ABŞ-da faiz dərəcələrinin endirilməsi və Böyük Britaniya hökumətinin gözlənilməz borc artımı ilə əlaqələndirilir. Analitiklər bildirirlər ki, Avropa iqtisadiyyatında davam edən inflyasiya təzyiqləri avronun möhkəmlənməsini çətinləşdirir.
