ABŞ-ın kommersiya neft ehtiyatları 465 mln. barelə yaxınlaşıb

ABŞ-da kommersiya neft ehtiyatları 3 081 min barel artıb və 464 717 min barel təşkil edib.

Fins.az bu barədə ABŞ-ın Energetika Nazirliyi yanında Energetika İnformasiyası Administrasiyasının (EIA) dərc etdiyi hesabatda bildirilib.

Məlumata əsasən, bundan öncə analitiklər ABŞ-ın kommersiya neft ehtiyatlarının 1 000 min barel azalacağını proqnozlaşdırırdı.

ABŞ-ın neft ehtiyatları haqqında məlumatlar dünya bazarında "qara qızıl"ın qiymətinə əhəmiyyətli dərəcədə təsir edir.