Rusiya hökuməti Sberbankın 50%-ini satın aldı

Rusiya hökuməti, ölkənin ən böyük bankı Sberbank-ın  50% hissəsini Mərkəzi Bankdan satın alıb.

Fins.az xəbər verir ki, Rusiya Maliyyə Nazirliyinin yaydığı açıqlamada, Rusiya hökuməti və Mərkəzi Bank arasında Sberbank-ın səhmlərinin satın alınması ilə əlaqədar prosesin yekunlaşdığı bildirilib. 

Sberbank-ın 50% hissəsinin Mərkəzi Bankdan 2,14 trilyon rubl (təxminən 29 milyard dollar) qarşılığında satın alındığı qeyd edilən açıqlamada, məbləğin, Rusiyanın Milli Rifah Fondundan ödənildiyi qeyd edilib.

Açıqlamada, Sberbank-ın 1% hissəsinin müvəqqəti Mərkəzi Bankda qalacağı qeyd edilib.