Paytaxtda inflyasiyanın həcmi AÇIQLANIB

Bu ilin sentyabr ayında Bakı şəhəri üzrə istehlak qiymətləri indeksi avqust ayı ilə müqayisədə 100,1%, 2020-ci ilin yanvar-sentyabr aylarında əvvəlki ilin müvafiq dövrü ilə müqayisədə isə 102,5% təşkil edib.

Fins.az xəbər verir ki, bu barədə Bakı Şəhəri Statistika İdarəsi məlumat yayımlayıb

Qeyd olunub ki, 2020-ci ilin sentyabr ayında ərzaq məhsulları, içkilər və tütün məmulatları üzrə istehlak qiymətləri indeksi avqust ayı ilə müqayisədə 100,1%, 2020-ci ilin yanvar-sentyabr aylarında əvvəlki ilin müvafiq dövrü ilə müqayisədə isə 104,7% təşkil edib.

"Sentyabr ayında qeyri-ərzaq məhsulları üzrə istehlak qiymətləri indeksi avqust ayına ilə müqayisədə 100%, 2020-ci ilin yanvar-sentyabr aylarında əvvəlki ilin müvafiq dövrü ilə müqayisədə isə 100,6% təşkil edib", - idarədən bildirilib.