"Fitch" Azərbaycanın xarici dövlət borcunun ÜDM-ə nisbəti üzrə proqnozunu açıqlayıb

"Fitch Ratings" beynəlxalq reytinq agentliyi bu il Azərbaycanın xarici dövlət borcunun ÜDM-ə nisbətinin 18,3% səviyyəsində olacağını proqnozlaşdırır.

Agentliyin gözləntilərinə görə, 2021-ci ildə ölkənin xarici dövlət borcunun ÜDM-ə nisbəti builki proqnozla müqayisədə 0,6 faiz bəndi azalaraq 17,7% təşkil edəcək.

Qeyd edək ki, ötən ilin sonunda bu göstərici 19%-dən bir qədər aşağı olub.

© APA