Əhalinin bank əmanətlərinin dollarlaşma səviyyəsi nə qədər olub?- MƏRKƏZİ BANK AÇIQLAYIR

2020-ci ilin yanvar-fevral aylarında əhalinin bank əmanətləri (fərdi sahibkarlıq fəaliyyəti ilə məşğul olan fiziki şəxslərin vəsaitləri daxil olmaqla) 1,2% - 8 milyard 694,4 milyon manatadək artıb.

Fins.az xəbər verir ki, bu barədə  Azərbaycan Mərkəzi Bankı məlumat yayımlayıb

Hesabat dövründə əhalinin xarici valyutada əmanətləri 1,5% - 4 milyard 571,7 milyon manatadək və ya bütün əmanətlərin 52,6%-i səviyyəsində azalıb (2019-cu ilin yekunları üzrə xarici valyutada əmanətlərin xüsusi çəkisi 52,2% təşkil edib).

Yanvar-fevralda əhalinin milli valyutada əmanətlərinin həcmi 0,2% - 4 milyard 122,7 milyon manatadək (bütün əmanətlərin 47,4%-i) artıb.