BofA: Fed gələn il faiz dərəcələrini azaldacaq

Bank of America strateqləri FED-in faiz endiriminin gələn il tənəzzüllə mübarizə aparacağını gözləyirlər
"Fins.az" xəbər verir ki, bazarlar FED-in bu axşam açıqlanacaq qərarına fokuslanıb. Bankın bu ay faiz dərəcələrini 75 baza bəndi artıracağı gözlənilir.

Lakin inflyasiya pik həddə çatmamış gələn ildən faiz endirimləri bazarlarda qiymətə qoyulmağa başlayıb.

Bank of America valyuta və faiz dərəcəsi strateqləri Meghan Swiber və Mark Cabana, "İqtisadçılarımız tənəzzüllə mübarizə aparmaq üçün 2023-cü ilin sentyabrında FED-dən faiz endirimi gözləyir," deyə bildirib. 

Əgər FED faiz dərəcələrini azaldacaqsa, o, həm də monetar sərtləşdirməyə son qoymalı olacaq ki, bu da likvidliyi cəlb etmək üçün aktivlərin satılması deməkdir.

Strateqlərin fikrincə ,Fed, ehtimal ki, faiz endirimi ilə birlikdə ünsiyyəti sadələşdirmək üçün monetar sərtləşdirməyə son qoyacaq.