Beynəlxalq Valyuta Fondundan Azərbaycan Mərkəzi Bankının valyuta ehtiyatları ilə bağlı-PROQNOZ

Beynəlxalq Valyuta Fondu (BVF) 2020-ci ildə Azərbaycan Mərkəzi Bankının (AMB) valyuta ehtiyatlarının 2019-cu ildəki səviyyədə saxlanılacağını proqnozlaşdırır.
 BVF-nin Qafqaz və Mərkəzi Asiya ölkələri üzrə yenilənmiş regional icmalındakı proqnozlara əsasən, 2020-ci ilin sonuna AMB-nin valyuta ehtiyatları 6,3 milyard dollar təşkil edəcək ki, bu da 2019-cu ilin göstəricisinə uyğundur.

Fondun qiymətləndirmələrinə görə, 2021-ci il ərzində Mərkəzi Bankın ehtiyatları da $6,3 milyard səviyyəsində saxlanılacaq.

İcmala əsasən, 2020-ci ilin yekunları üzrə Mərkəzi Bankın ehtiyatları 4,1 aylıq, 2021-ci ildə isə 4 aylıq idxal xərclərinin ödənilməsi üçün kifayət edəcək.