Banklar real sektora 2,6 milyard manat yeni kreditlər verib

Cari ilin əvvəlindən ölkədə fəaliyyət göstərən banklar real sektora 2,6 milyard manat yeni kreditlər verib.

Bu barədə Azərbaycan Mərkəzi Bankının (AMB) sədri Elman Rüstəmov iyunun 1-də keçirdiyi mətbuat konfransında deyib.

“Ümumiyyətlə, bank sektoru kifayət qədər likvidliyə malikdir. Hazırda bankların likvidliyi 9 milyard manatdan çoxdur. Banklar öhdəliklərini vaxtında yerinə yetirirlər. İlin əvvəlindən əhalinin əmanətləri 3,7 faiz azalsa da, mayda 0,3 faiz artım müşahidə olunub”, - deyə E.Rüstəmov qeyd edib.