Azərbaycanın valyuta bazarında əməliyyatlarla bağlı problemlərin müzakirəsi

Azərbaycan Banklar Assosiasiyası (ABA) nəzdində fəaliyyət göstərən “Xəzinədarlıq və Fondların İdarə Olunması üzrə” Ekspert Qrupunun ilk online görüşü keçirilib.

Fins.az xəbər verir ki,bu barədə Banklar Assosiasiyası məlumat yayımlayıb

Bildirilir ki, görüşdə “Xəzinədarlıq və Fondların İdarə Olunması üzrə” Ekspert Qrupunun sədri Aydın Hüseynov və bankların nümayəndələrindən ibarət Qrupun üzvləri iştirak edib.

İclasda valyuta bazarında əməliyyatlar ilə bağlı mövcud vəziyyət və problemlər müzakirə olunmuşdur.

Qeyd edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 29 bank və 3 qeyri-bank təşkilatı ABA-nın üzvüdür.

Müəllif:Aynur Qəniyeva