Azərbaycanda lokal ödəniş kartları ilə əməliyyatlar artıb

2026-cı ilin mart ayının sonuna olan vəziyyətə əsasən, Azərbaycanda rezident maliyyə təşkilatları tərəfindən emissiya edilmiş lokal ödəniş kartları vasitəsilə aparılan əməliyyatlarda ciddi artım qeydə alınıb.

Fins.az-ın Azərbaycan Mərkəzi Bankına istinadən verdiyi məlumata görə, bu kartlarla həyata keçirilən əməliyyatların sayı 61,9 min vahid, ümumi maliyyə dövriyyəsi isə 60,97 milyon manat təşkil edib.

Ötən ilin analoji dövrü ilə müqayisədə lokal kartlarla əməliyyatların sayı 18 min vahid və ya 41%, əməliyyatların həcmi isə 17,71 milyon manat və ya 40,9% artıb.

Mərkəzi Bankın açıqlamasında bildirilir ki, lokal kartlardan istifadə üzrə artım ölkə daxilində nağdsız ödəniş infrastrukturunun genişlənməsi və rəqəmsal ödənişlərə keçidin sürətlənməsi ilə bağlıdır.