Yenilənmiş Honda Accord sürüş komfortu və texnologiyası ilə fərqlənir

Fins.az – Honda Accord yenilənmiş dizaynı, turbo mühərrikləri və müasir texnologiyaları ilə Azərbaycan bazarında təqdim olunur.

Şirkətin məlumatına görə, model 1.5 Executive, 1.5L Executive L və 2.0L Sport komplektasiyalarında satışa çıxarılıb və 3 il və ya 100 min kilometr zəmanətlə təklif edilir.

Məlumata əsasən, Honda Accord 198 və 247 at gücünə malik turbo mühərrik variantları, Apple CarPlay və Android Auto dəstəyi, LED işıqlandırma sistemi, geniş təhlükəsizlik avadanlıqları və komfort funksiyaları ilə təchiz olunub. Şirkət bildirib ki, avtomobil yüksək performans, yanacaq səmərəliliyi və sürüş rahatlığını bir arada təqdim edir.