Yeni Audi RS6 Sedan (C9) casus fotolarda görünüb

Fins.az - Audi markasının yeni nəsil Audi RS6 Sedan (C9) modeli testlər zamanı çəkilən yeni casus fotolarda görüntülənib.

Məlumata görə, sport sedan standart A6 modelindən daha aqressiv dizayn elementləri, genişləndirilmiş кузов hissələri və iri hava girişləri ilə fərqlənəcək.

RS6 modeli ilk dəfə 2002-ci ildə C5 platforması əsasında təqdim olunmuşdu. İlk iki nəsildə həm sedan, həm də universal kuzov variantları mövcud olsa da, sonrakı illərdə yalnız universal versiya istehsal edilirdi.

Yeni C9 nəsli ilə birlikdə sedan kuzovunun geri qayıtması gözlənilir. Bu isə modelin pərəstişkarları üçün mühüm yenilik hesab olunur.