Xüsusi sifarişlə yığılan çəhrayı “McLaren 765LT Spider” sahibinə təhvil verilib

“McLaren Newport Beach” şirkətinin diler nümayəndəliyi Kaliforniyadakı bir müştəriyə “McLaren Special Operations” (MSO) tərəfindən hazırlanmış eksklüziv “McLaren 765LT Spider”i təhvil verib.

Unikal kabrioletin sahibi amerikalı iş adamı Cefri Star olub. O, “YouTube” bloqçusu, sahibkar, vizajist, keçmiş müğənni-bəstəkar, “Jeffree Star Cosmetics”in qurucusu və sahibidir.

Avtomobilin yeganə nüsxəsi “Pink Magic” adlanır. O, standart 765 at güclü V8 4.0 biturbo mühərrikə malikdir.