Volkswagen ID.Aura T6 krossoverinin ilk texniki detalları açıqlanıb

Fins.az - Volkswagen markasının yeni ID.Aura T6 krossoveri ilə bağlı ilk texniki məlumatlar və modelin real görüntüləri Çinin Sənaye və İnformasiya Texnologiyaları Nazirliyinin bazasında ortaya çıxıb.

Yeni elektromobil ilk növbədə Çin bazarı üçün nəzərdə tutulub və FAW-Volkswagen birgə müəssisəsinin istehsal edəcəyi ID.Aura model ailəsinin ilk nümayəndəsi olacaq.

Hazırda model rəsmi təqdimata hazırlanır. Açıqlanan məlumatlarda avtomobilin ölçüləri və texniki xüsusiyyətləri də yer alıb, lakin satış tarixi və qiyməti hələ açıqlanmayıb.