Toyota Yaris Cross yeniləndi: dizaynda dəyişikliklər, texnika əvvəlki kimi qaldı
Fins.az - Toyota şirkəti Avropa bazarı üçün nəzərdə tutulmuş Yaris Cross krossoverinin yenilənmiş versiyasını təqdim edib. Model əsasən xarici görünüşündə dəyişikliklər alıb – ön hissənin dizaynı daha böyük modellərə uyğunlaşdırılıb.
Texniki baxımdan isə ciddi yenilik yoxdur. Krossover əvvəlki kimi hibrid güc qurğuları ilə təklif olunur, lakin baza hibrid sistemi artıq yalnız ən sərfəli komplektasiyaya verilir.
Toyota Yaris Cross 2020-ci ildə GA-B platforması üzərində təqdim edilib və Avropa bu modelin əsas bazarı hesab olunur. 2023-cü ildə model artıq bir dəfə yenilənərək daha böyük ekranlar və təkmilləşdirilmiş texnologiyalar əldə etmişdi.
Buna baxmayaraq, Yaris Cross Avropada markanın ən çox satılan modellərindən biri olaraq qalır. 2025-ci ildə bu krossoverdən 200 mindən çox satılıb, bu isə əvvəlki illə müqayisədə cüzi azalma deməkdir.
