Rusiya avtomobil bazarında yeni premium brend — Esteo elan edilib

Fins.az - Rusiya avtomobil bazarında yeni yerli premium brend təqdim olunub. Yeni marka AGR Automotive Group tərəfindən elan edilib və ona Esteo adı verilib.

Məlumata görə, yeni brend altında premium seqmentə aid avtomobillərin istehsalı planlaşdırılır. Layihənin həyata keçirilməsində Çin tərəfdaş şirkət Defetoo də iştirak edir.

Hazırda yeni markanın texniki xüsusiyyətləri və modelləri barədə ətraflı məlumat açıqlanmayıb, lakin onun Rusiya avtomobil bazarında premium seqmenti hədəfləyəcəyi bildirilir.