Porsche benzin mühərrikli Macan ilə bu yay vidalaşır

Fins.az - Porsche şirkəti benzin mühərrikli Porsche Macan modelinin istehsalını bu yay tam dayandıracaq.

Almaniyanın Leypsiq şəhərində yerləşən zavod yaxın aylarda Macan-ın birinci nəslinin istehsalını yekunlaşdıracaq. Bu qərar modelin hələ də yaxşı satış göstəricilərinə baxmayaraq artıq dəyişdirilməyəcək.

Macan ilk dəfə 2013-cü ildə təqdim olunub və sonuncu restaylinqini 2021-ci ildə keçirib. 2024-cü ildən etibarən isə sərtləşən kibertəhlükəsizlik qaydalarına görə model Avropa bazarını tərk edib, lakin ABŞ kimi bazarlar üçün istehsal davam edirdi.

Eyni zamanda 2024-cü ildə tam elektrikli yeni Macan modeli təqdim olunub. Şirkət 2028-ci ildə benzin versiyanı əvəz edəcək yeni nəsil krossoveri fərqli dizayn və adla bazara çıxarmağı planlaşdırır.