Omoda və Jaecoo martda qlobal satışlarını kəskin artırıb

Fins.az - Omoda və Jaecoo brendləri 2026-cı ilin mart ayında qlobal bazarda ümumilikdə 61 254 avtomobil sataraq ötən ilin eyni dövrü ilə müqayisədə satışlarını üç dəfə artırıb.

Satışların böyük hissəsini alternativ enerji mənbələri ilə işləyən modellər təşkil edib. Belə ki, bu seqmentdə 39 716 avtomobil satılıb ki, bu da 2025-ci ilin mart ayı ilə müqayisədə 471% artım deməkdir.

Hazırda hər iki brend 60-dan çox ölkədə fəaliyyət göstərir. Omoda əsasən şəhər auditoriyasına yönəlir və kompakt krossover seqmentində dizayn və texnologiyaya üstünlük verir.

Jaecoo isə daha çox yolsuzluq imkanlarına malik modellər üzərində fokuslanaraq Avropa və Yaxın Şərq bazarlarında mövqeyini gücləndirir.