“Oldtimer-Qalereya” sərgisi 25 illiyini qeyd edir

Fins.az - 2026-cı il aprelin 10-dan 12-dək Rusiyada retro texnikaya həsr olunmuş “Oldtimer-Qalereya” sərgisi keçiriləcək. Bu il tədbir 25 illik yubileyini qeyd edir.

13 000 kvadratmetrlik geniş sərgi məkanında üç yüzə yaxın nadir və klassik avtomobil nümayiş olunacaq. Bu avtomobillər ya kolleksiyaçılar tərəfindən qorunub saxlanılıb, ya da peşəkar restavratorlar tərəfindən bərpa edilib və hər birinin özünəməxsus tarixi var.

Sərgidə imperator qarajına aid nadir modellər – Delone-Belleville, Renault və Humber avtomobilləri təqdim olunacaq. Bundan əlavə, ilk rus yarışçıları haqqında çəkilən yeni filmdə istifadə olunan avtomobillər də nümayiş etdiriləcək.