Nio ES9 satışa çıxarılıb və premium minivenlərlə rəqabət aparacaq

Fins.az - Çində yeni böyük premium krossover Nio ES9 modelinin satışına başlanılıb.

Model iki elektrik mühərrikli güc qurğusu ilə təchiz olunub və üç fərqli təchizat səviyyəsində təqdim edilir. Alıcılar akkumulyator batareyasını avtomobillə birlikdə almaq və ya icarəyə götürmək imkanına malikdirlər.

Şirkət bildirir ki, Nio ES9 yalnız iri premium krossoverlərlə deyil, həm də yüksək komfortlu minivenlərlə rəqabət aparmaq üçün hazırlanıb.

İstehsalçının fikrincə, model salonun genişliyi və rahatlığı baxımından ən yaxşı minivenlərdən geri qalmır.

Nio ES9 eyni zamanda markanın əvvəlki flaqman krossoveri olan ES8 modelini əvəz edərək şirkətin yeni əsas krossoveri statusunu qazanıb.