Mercedes-Benz fiziki düymələri geri qaytarmağı planlaşdırır

Fins.az - Mercedes-Benz avtomobillərində fiziki düymələrin sayını artırmağı planlaşdırır, lakin bu dəyişikliklərin yaxın zamanda həyata keçirilməsi gözlənilmir.

Şirkət müştərilərin sensor ekranların həddindən artıq istifadəsindən narazı olduğunu nəzərə alaraq ergonomikanı yaxşılaşdırmaq istəyir. Daha əvvəl brendin baş dizayneri Gorden Wagener böyük sensor ekranların artıq yenilik sayılmadığını etiraf etmişdi.

Onun vəzifəsindən ayrılmasından sonra bu posta Bastian Baudi təyin olunub. Yeni rəhbərlik sensor interfeyslərin üstünlüyünü tam aradan qaldırmasa da, fiziki idarəetmə elementlərini mərhələli şəkildə geri qaytarmağı planlaşdırır.

Bununla belə, avtomobil sənayesində uzun planlaşdırma və istehsal dövrləri səbəbindən bu dəyişikliklərin tətbiqi üçün müəyyən vaxt tələb olunacaq.