“Lukoil” Belgee markası üçün mühərrik yağı istehsalına başlayıb

Fins.az - “Lukoil” şirkəti Belgee markalı minik avtomobilləri üçün xüsusi mühərrik yağının istehsalına başladığını elan edib.

Məlumata görə, məhsul avtomobil istehsalçısının tələblərinə uyğun hazırlanıb və Rusiya ilə Belarusun istismar şəraitinə uyğunlaşdırılıb.

Yeni mühərrik yağı API SP və ACEA C5 beynəlxalq sənaye standartlarına cavab verir.

Bundan əlavə, məhsul Belgee markasının model sırası üçün tövsiyə olunan Volvo VCC RBS0-2AE spesifikasiyasına da uyğundur.

Şirkət bildirir ki, yeni yağ mühərrikin etibarlı işləməsini təmin etməyə və onun istismar müddətini artırmağa kömək edəcək.