Infiniti QX65-in istehsalına başlanılıb

Fins.az - Premium Nissan brendi Infiniti yeni QX65 krossoverinin istehsalına başlayıb.

Modelin seriyalı istehsalı ABŞ-ın Tennessi ştatının Smyrna şəhərində yerləşən Nissan zavodunda təşkil olunub. ABŞ bu avtomobil üçün əsas bazar kimi nəzərdə tutulur və satışların yay aylarında başlaması planlaşdırılır.

Yeni Infiniti QX65 2.0 litrlik VC-Turbo mühərriki ilə təchiz olunacaq və texniki baxımdan üçcərgəli QX60 modeli ilə eyni platformanı bölüşür.

Eyni zavodda Infiniti QX60, Nissan Pathfinder, Nissan Murano və Nissan Rogue modelləri də istehsal olunur.