Haval H9-un Rusiyada AT35 adlı ekstremal versiyası təqdim edilib

Fins.az - İslandiyanın məşhur tüninq şirkəti Arctic Trucks-un Rusiya bölməsi ikinci nəsil Haval H9 yolsuzluq avtomobili üçün xüsusi AT35 versiyasını hazırlayıb.

Yeni modifikasiya standart modeldən daha aqressiv görünüşü və təkmilləşdirilmiş yolsuzluq imkanları ilə seçilir. Avtomobilin klirensi artırılıb, asqı sistemi yenidən tənzimlənib və iri ölçülü xüsusi təkərlər quraşdırılıb.

AT35 versiyası çətin yol şəraitində hərəkət üçün nəzərdə tutulub və daha sərt istismar şəraitinə uyğunlaşdırılıb.

Yeni model artıq sifariş üçün açıqdır. İlk avtomobillərin müştərilərə bu ayın sonuna qədər çatdırılması planlaşdırılır.