GMC Hummer X konsepti təqdim olunub

Fins.az - “General Motors” korporasiyası ABŞ-nin Kaliforniya ştatının Pasadena şəhərində yeni dizayn studiyasını təqdim edib və onun ilk layihəsi olan GMC Hummer X konsept avtomobilini nümayiş etdirib.

Yeni model orta ölçülü yolsuzluq avtomobili kimi hazırlanıb və modul kuzov quruluşu ilə diqqət çəkir.

Konsept geniş fərdiləşdirmə imkanlarına malikdir. İstehsalçı müxtəlif kuzov elementlərinin və avadanlıqların istifadəçinin tələblərinə uyğun dəyişdirilə biləcəyini bildirib.

Mütəxəssislərin fikrincə, GMC Hummer X gələcəkdə yolsuzluq avtomobilləri seqmentində mühüm yer tuta və bu sinifdəki digər məşhur modellərlə rəqabət apara bilər.