Fiat Grizzly krossover ailəsini təqdim edib

Fins.az - Fiat yeni Grizzly krossover ailəsini rəsmi olaraq elan edib. Yeni model sırasına klassik kuzovlu Fiat Grizzly və kupe üslublu Fiat Grizzly Fastback daxil olacaq.

Əvvəllər yeni krossoverlərin Grande Panda ailəsinin bir hissəsi olacağı ehtimal edilsə də, sonradan onların ayrıca Grizzly ailəsi kimi bazara çıxarılacağı məlum olub.

Yeni modellər həm daxili yanma mühərrikli, həm də elektrik versiyalarında təklif ediləcək. Bu yanaşma alıcılara müxtəlif güc qurğuları arasında seçim imkanı yaradacaq.

Grizzly ailəsi Stellantis konserninin uzunmüddətli inkişaf strategiyasının bir hissəsi hesab olunur. Şirkət yeni krossoverləri bu ilin sonunadək satışa çıxarmağı planlaşdırır.