Cupra Tavascan yenilənib: yeni baza versiya və salon dəyişiklikləri təqdim olundu
Fins.az - İspaniyanın Cupra markasına məxsus Tavascan krossoveri yenilənib və model üçün yeni baza versiya təqdim olunub.
Yeniliklər əsasən interyerə təsir edib. Sürücünün qarşısında artıq fiziki düymələrlə təchiz olunmuş yeni sükan yerləşir. Bundan əlavə, virtual прибор paneli funksiyasını yerinə yetirən ekranın ölçüsü böyüdülüb. Bu dəyişikliklər markanın Cupra Born modelində tətbiq olunan yeniliklərə uyğunlaşdırılıb.
Xatırladaq ki, Cupra Tavascan ilk dəfə 2019-cu ildə konsept kimi təqdim olunub, seriya versiyası isə 2023-cü ildə debüt edib. Model Volkswagen konserninin MEB platforması əsasında hazırlanıb və Çinin Hefey şəhərində Volkswagen Anhui zavodunda istehsal olunur. Burada həmçinin Çin bazarı üçün nəzərdə tutulmuş VW ID.Unyx modeli də yığılır.
