Chrysler yenilənmiş Pacifica miniveninin qiymətlərini endirib

Fins.az - Chrysler şirkəti yenicə təqdim etdiyi yenilənmiş Chrysler Pacifica modelinin qiymətlərini aşağı salıb.

Qiymət endirimi minivenin əksər versiyalarına şamil olunub. Yalnız baza komplektasiyası və ən yüksək “Pinnacle” versiyası qiymət dəyişikliyindən kənarda qalıb.

Stellantis tərkibində olan Chrysler markasının model xətti faktiki olaraq bir əsas avtomobildən — Pacifica minivenindən ibarətdir. Əvvəllər ayrıca model kimi təqdim olunan Voyager isə artıq yenilənmədən sonra sadəcə baza komplektasiyası kimi Pacifica ailəsinə daxil edilib.

Beləliklə, modelin ümumi dizaynı saxlanılsa da, komplektasiyalar yenidən qurulub və qiymət siyasəti daha əlçatan istiqamətdə dəyişdirilib.