Buick Electra E7 iki güc versiyası ilə satışa çıxıb

Fins.az - Buick markasının yeni Electra E7 krossoveri bazara təqdim olunub. Model plug-in hibrid güc qurğusu ilə təchiz edilib və iki fərqli güc versiyasında satışa çıxarılıb.

Beşyerlik krossover ilk dəfə ilin əvvəlində Çin bazarında anons edilmiş, mart ayında isə salon dizaynı tam açıqlanmışdı. Bu gün isə şirkət rəsmi təqdimat keçirərək satışları başladıb və qiymətləri açıqlayıb.

Electra subbrendi xüsusi olaraq Çin bazarı üçün yaradılıb və tam elektrikləşdirilmiş modelləri birləşdirir. E7 bu xəttdə üçüncü modeldir və Electra L7 sedanı ilə Electra Encasa miniveninə qoşulur.

Bütün modellər yeni “Xiao Yao” platforması üzərində qurulub və bu, Buick-in elektrikləşmə strategiyasının mühüm hissəsi sayılır.