Bentley yenilənmiş modelini təqdim edib

Bentley şirkəti Bentayga model xəttindəki dördüncü yenilənmiş modifikasiyanı Bentayga S krossoverini təqdim edib.

Əgər mövcud olan üç modifikasiya güc aqreqatları ilə fərqlənirlərsə, yeni S modifikasiyası baza Bentayga modelinin bir variantıdır. 550 at qüvvəli 4,0-litrlik V8 biturbomühərriki və səkkiz pilləli “avtomat” standartdırlar. Bu səbəbdən 100 km/saata (4,5 saniyə) sürətlənmə müddəti və maksimal sürət (290 km/saat) həddi eyni qalıb. Ancaq çox sayda başqa dəyişikliklər var.