Oynaq ağrılarının müalicəsində kompleks yanaşma tətbiq edilir

Fins.az – Bakı Bərpa Mərkəzi oynaq və ayaq ağrılarından əziyyət çəkən, eləcə də reabilitasiya və bərpa müalicəsinə ehtiyacı olan vətəndaşlara xidmət göstərdiyini açıqlayıb.

Mərkəzin məlumatına görə, burada hər bir pasiyent üçün fərdi müalicə proqramı hazırlanır və müasir tibbi texnologiyalar tətbiq olunur.

Bildirilib ki, mərkəzdə Avropa, Türkiyə və Rusiyada təhsil almış yerli və xarici həkimlər fəaliyyət göstərir, 20 yataq otağı isə əməliyyatdan sonrakı və xroniki xəstələrin reabilitasiyası üçün nəzərdə tutulub. Mərkəz əsas məqsədinin beynəlxalq standartlara uyğun reabilitasiya xidmətlərini Azərbaycanda əlçatan etmək və vətəndaşların xaricdə müalicəyə ehtiyacını azaltmaq olduğunu vurğulayıb.