Gizli şəkər xəstəliyinin ilk əlamətlərini vaxtında tanıyın

Fins.az – Tez yorulma, davamlı susuzluq hissi, səbəbsiz çəki itkisi və halsızlıq bəzən adi yorğunluq kimi qiymətləndirilsə də, bu əlamətlər gizli şəkər xəstəliyinin ilkin xəbərçiləri ola bilər.

"AzEvromed" Klinikasının məlumatına görə, şəkərli diabet uzun müddət ciddi simptomlar vermədən inkişaf edə və zamanla orqanizmdə müxtəlif fəsadların yaranmasına səbəb ola bilər.

Bildirilib ki, xəstəliyin erkən mərhələdə aşkarlanması onun nəzarətdə saxlanılması və sağlam həyat tərzinin qorunması baxımından mühüm əhəmiyyət daşıyır.

Klinika vətəndaşlara sağlamlıqlarını təsadüfə buraxmamağı, vaxtında müayinədən keçərək riskləri erkən müəyyən etməyi tövsiyə edir.