Azərbaycanda iki ayda təxminən 14,8 min uşaq doğulub

Fins.az - Bu ilin yanvar-fevral aylarında Azərbaycanda 14 797 yeni doğulan uşaq qeydiyyata alınıb.

Məlumata görə, doğum səviyyəsi ötən ilin eyni dövrü ilə müqayisədə azalıb. Belə ki, hər 1000 nəfərə düşən doğum göstəricisi 9,7-dən 8,9-a enib.

Yeni doğulanların 53,7%-ni oğlanlar, 46,3%-ni isə qızlar təşkil edir. Statistikaya əsasən, bu dövrdə 522 əkiz, 21 isə üçəm uşaq dünyaya gəlib.

Rəqəmlər ölkədə demoqrafik dinamikanın müəyyən qədər zəiflədiyini göstərir.