Yanvarda orta aylıq əməkhaqqı 3,8% artıb

Yanvar ayında muzdla çalışan işçilərin orta aylıq nominal əməkhaqqı 1 103,8 manat səviyyəsində olub, bu isə 2025-ci ilin yanvar ayı ilə müqayisədə 3,8% çoxdur.

Fins.az xəbər verir ki, bu barədə məlumat Dövlət Statistika Komitəsinin 2026-cı ilin yanvar-fevral aylarını əhatə edən makroiqtisadi göstəricilərində yer alıb.

Bildirilib ki, sektorlar üzrə əməkhaqqı fərqləri nəzərə çarpır: neft-qaz sektorunda orta aylıq əməkhaqqı 4 064,7 manat, qeyri-neft-qaz sektorunda isə 1 050,1 manat təşkil edib.

Məlumata görə, dövlət müəssisələrində çalışan işçilərin orta əməkhaqqı 1 073,2 manat, özəl müəssisələrdə isə 1 133,5 manat olub.

Qeyd olunub ki, bu göstəricilər ölkədə əmək bazarının vəziyyətini, əməkhaqqı artımını və sektorlar üzrə fərqlilikləri izləmək üçün əsas statistik məlumatları təmin edir.