Əhalinin gəlirləri artıb

İlkin məlumatlara görə, yanvar-may aylarında ölkə əhalisinin nominal gəlirləri 22 milyard 382,1 milyon manat təşkil edib və əvvəlki ilin eyni dövrünə nisbətən 1,3 faiz artıb.

Dövlət Statistika Komitəsindən Fins.az-a bildirilib ki, bu dövrdə ölkənin istehlak bazarında qiymətlərin artımı əhalinin gəlirlərinin artımını 1,6 faiz bəndi üstələyib. Bütün icbari və könüllü ödənişlər edildikdən sonra əhalinin sərəncamında 20 milyard 245,8 milyon manatlıq vəsait qalıb.