Bakı, Sumqayıt və Abşeronda pensiya ödənişləri bu gün həyata keçirilir

Mayın 14-də Bakı, Sumqayıt və Abşeron üzrə pensiya ödənişlərinin həyata keçirilməsi nəzərdə tutulub.

Fins.az xəbər verir ki, bu barədə Dövlət Sosial Müdafiə Fondu məlumat yayıb.

Məlumata əsasən, Əmək və Əhalinin Sosial Müdafiəsi Nazirliyinin tabeliyində fəaliyyət göstərən Fond tərəfindən mayın 14-də Bakı və Sumqayıt şəhərləri, eləcə də Abşeron rayonu üzrə bu ayın pensiya ödənişləri icra ediləcək.

Bildirilib ki, güzəştli şərtlərlə pensiya hüququna malik şəxslərin ödənişləri də bu ay qrafik üzrə həyata keçiriləcək.