Sığorta yığımlarının həcmi üzrə şirkətlərin RENKİNQİ - YANVAR-MART/2026

2026-cı ilin yanvar-mart aylarında Azərbaycanda sığorta şirkətləri tərəfindən ümumilikdə 417,753 milyon manat sığorta haqqı toplanıb ki, bu da ötən ilin eyni dövrü ilə müqayisədə 4,7 faiz artım deməkdir.

Fins.az Mərkəzi Bankın məlumatına əsasən xəbər verir ki, sığorta bazarında yığımlar ötən ilin eyni dövrü ilə müqayisədə artım nümayiş etdirib və sektor üzrə aktivlik əsasən iri sığorta şirkətlərinin hesabına formalaşıb.

Hesabat dövründə ən böyük yığımlar “Paşa Həyat Sığorta” ASC tərəfindən qeydə alınıb və şirkət 181,640 milyon manat sığorta haqqı toplayaraq lider mövqedə qərarlaşıb.

İkinci ən yüksək göstərici 122,315 milyon manatla “Paşa Sığorta” ASC-yə məxsus olub, üçüncü yerdə isə 29,617 milyon manat sığorta haqqı ilə “Atəşgah Həyat” Sığorta Şirkəti yer alıb.

Bununla yanaşı, “Qala Sığorta” 13,355 milyon manat, “Atəşgah Sığorta” 13,251 milyon manat, “Aqrar Sığorta” isə 11,319 milyon manat sığorta haqqı toplayıb.

Sektor üzrə orta həcmli yığımlar “Azərbaycan Sənaye Sığorta” (9,124 milyon manat), “Meqa Sığorta” (7,182 milyon manat), “Xalq Sığorta” (7,282 milyon manat), “Qala Həyat” (6,626 milyon manat) və “Meqa Həyat Sığorta” (6,613 milyon manat) tərəfindən formalaşıb.

Daha aşağı göstəricilərlə “A-Qroup Sığorta Şirkəti” 3,979 milyon manat, “Xalq Həyat Sığorta Şirkəti” 2,972 milyon manat, “AzSığorta” 1,927 milyon manat, “İpək Yolu Sığorta” 549 min manat, “AtaSığorta” isə 2 milyon manat sığorta haqqı toplayıb.

Ümumilikdə, 16 sığorta şirkətinin fəaliyyəti nəticəsində formalaşan bazar həcmi sığorta sektorunda artım dinamikasının davam etdiyini göstərib və bazarın əsas yükü həyat sığortası seqmentində fəaliyyət göstərən şirkətlərin üzərində cəmlənib.

Sığorta şirkətləri üzrə sığorta haqları (yanvar–mart 2026, min manat)