“PAŞA Həyat Sığorta” ötən il 22 milyon manat xalis mənfəət əldə edib

“PAŞA Həyat Sığorta” ASC 2020-ci ili 21,774 milyon manat xalis mənfəətlə başa vurub.

Fins.az şirkətin maliyyə hesabatına istinadən xəbər verir ki, bu, 2019-cu ilə nisbətən 32% azdır.

Ötən il “PAŞA Həyat Sığorta”nın gəlirləri 312,035 milyon manat (illik müqayisədə 58,4% çox), xərcləri 282,555 milyon manat (80,3% çox), mənfəət vergisi ödəmələri isə 7,706 milyon manat (6,3% az) təşkil edib.

Bu il yanvarın 1-nə “PAŞA Həyat Sığorta”nın aktivləri 396,256 milyon manat olub ki, bu da 1 il əvvələ nisbətən 1% azdır. Hesabat dövründə şirkətin öhdəlikləri 0,2% artaraq 327,802 milyon manata çatıb, balans kapitalı isə 6,1% azalaraq 68,454 milyon manata düşüb.